Вельконоцни концерт у Дюрдьове

май 2016
 
ДЮРДЬОВ – У Велькей сали Задружного дому у Дюрдьове внєдзелю вечар, 1. мая,  пред полну салу з патрачами аматере домашнього КУД „Тарас Шевченко” отримали традицийни Рочни Вельконоцни концерт.

У програми участвовали вецей секциї Дружтва, та аж 28 точки виведли ґрупи и солисти рижних возростох, котри шпивали, танцовали, рецитовали и грали, а  векшина точкох виведзена премиєрно.

Учашнїкох пририхтали уметнїцки руководителє Дружтва Михал Лїкар, Сенка Станкович, Яким Гарди, Саня и Микола Хромишово, Тамара Салаґ и Мария Хромиш, та учителька Єлена Салаґ и наставнїца руского язика Мария Самарджич з дюрдьовскей ОШ. Програму водзели Тарас Чапко и Катарина Гарди, конфернсу написал Яким Чапко, а сценоґрафию обдумал креативни тим младежи КУД.

У мено КУД присутних привитал и вельконоцни швета повинчовал предсидатель Скупштини Дружтва Мирослав Чакан, а на Велкьконоцним концерту присуствовали предсидатель Националного совиту (НС) Руснацох Славко Рац, народна посланїца и членїца НС Олена Папуґа, предсидателька Совиту Месней заєднїци Дюрдьов Леона Виславски, директорка дюрдьовскей ОШ Мария Тртич и о. Борис Холошняй.

Патраче з моцнима аплаузами наградзовали аматерох, а наймоцнєйши достали фолклорни секциї – од наймладшей по настарши ґрупи, хтори виведли нови танци.  Виводзацка фолклорна секция перши раз наступела и у новим народним облєчиве.

По двогодзиновим концерту у просторийох Дружтва пририхтана заєднїцка пасхална вечера, як и друженє госцох и аматерох.

Ruske Slovo

ДЮРДЬОВ – Чолнїки Националного совиту (НС) Руснацох пондзелок, 6. юлия, нащивели Подручну канцеларию (ПК) у Дюрдьове, чийо шедзиско у КУД „Тарас Шевченко”, дзе з членми єй Координациї бешедовали о вецей сеґментох роботи, значней за руску заєднїцу у Дюрдьове.

На сходзе у Дюрдьове були предсидатель НС Руснацох Славко Рац, предсидатель Вивершного одбору НС Желько Ковач, предсидателька Одбору за културу Ґабриєла Саянкович и секретар НС Таня Арва Планчак, з котрима бешедовали координатор ПК Мирон Сабадош, та члени Єлена Салак, задлужена за образованє, Мирослав Чакан, задлужени за демоґрафию, Ивана Тиркайла, задлужена за службене хаснованє язика и писма, Геленка Корпаш, задлужена за информованє и Борис Цап, задлужени за роботу младих. На схадзки бул и предсидатель дюрдьовского Дружтва Микола Кухар и руководителє секцийох.

Найвецей бешедоване о образованю, односно о мирох як застановиц гашенє руского оддзелєня у ОШ, хторе нє будзе оформене други рок за шором.

У обласци култури визначена потреба за семинарами пре фахове усовершованє уметнїцких руководительох секцийох, а у обласци службеного хаснованя язика и писма як проблем наглашене же у Општини Жабель нєт толмача за руски язик.

И представителє Координациї ПК и чолнїки НС ше зложели же КУД „Тарас Шевченко” добре и континуовано роби, а Дюрдьовчанє заступени на шицких наших манифестацийох и фестивалох.

- Анґажованосц обачлїва, и тот позитивни тренд и способ роботи треба применїц и у других наших дружтвох, же бизме им помогли з позитивним прикладом, но зоз свидомосцу же кажди наш штредок окремни – гварел предсидатель НС Руснацох Славко Рац, док координатор ПК Мирон Сабадош указал и на ситуацию же за дальше функционованє Дружтва потребна фахова особа котра би водзела документацию, а на тот способ би ше предлужело, можебуц и злєпшало роботу КУД, та и ПК у Дюрьове.

Izvor: Ruske Slovo

Вецей нє годно швидко вожиц през центер Дюрдьова
ДЮРДЬОВ – Концом прешлого тижня у Дюрдьове при дзецинскей заградки на пешацких преходох на главней драги з обидвох бокох улїци поставени нови знаки, вибро-пантлїки на драги опрез уходу до самого центру валала, пред пешацким преходом при ОШ и дзецинскей заградки, и лєжаци полицай у Святосавскей улїци при ОШ.

Попри тим, у центре валала означени паркинґ места и место резервоване за преход амбулантного авта, як и линиї котри означую напрями рушаня на главней драги и знаки спозореня на будинок школи.

Тот проєкт иницировал Совит родичох дюрдьовскей основней школи, а потримала го школска Управа з намиру же би ше спомалшело превозки у центре Дюрдьова. Роботи почали початком априла, а Школска управа, на чолє зоз Мария Тртич, директорку дюрдьовскей ОШ вимагала же би шицко було закончене по Дзуря.

По упечаткох гражданох, проєкт уж дава резултати, бо ше превозки обачлїво помалши рушаю, а центер достал цалком нови и красши випатрунок.
Цали проєкт финансовало Министерство будовательства, транспорту и инфраструктури зоз милион и шейсцсто тисячи динари.

Izvor: Ruske slovo

ЖАБЕЛЬ - Прейґ анкети, гражданє жабельскей општини и того року можу участвовац у твореню буджету Општини за 2015. рок, обявела локална самоуправа.

На участвованє у твореню буджету, як и у Стратеґиї отримуюцого розвою Општини Жабель по 20120. рок, гражданох поволал и предсидатель Општини Чедомир Божич.

Шицки предкладаня гражданох за ставки у буджету буду розпатрани на Општинскей ради и у складзе з нїма будзе виробени буджет, як цо то було и за тот рок.

Анкету за предкладаня жителє жабельскей општини достали, лєбо достаню, з рахунками за вивожернє шмеца, а пополнєту анкету можу придац до Општинскей управи.

Izvor: ruthenpress.info

ŽABALJ

ČURUG

GOSPODJINCI

Go to top